ဖွဲ့စည်းပုံကို ကန့်ကွက်ကြရန် ရှမ်းနိုင်ငံရေးသမားကြီး တိုက်တွန်း

ဒုတိယတန်းစား ပြည်ထောင်စုသားများ မဖြစ်ရေး ဖွဲ့စည်းပုံကို ကန့်ကွက်ကြရန်
ရှမ်းနိုင်ငံရေးသမားကြီး တိုက်တွန်း

ခေတ်ပြိုင်ဂျာနယ်မှ ရယူသည်။
၁၁ ဧပြီ ၂၀၀၈

စစ်အစိုးရ၏ အခြေခံဥပဒေကို လက်ခံလိုက်ပါက ရှမ်းပြည်သည် ဒုတိယတန်းစား ပြည်ထောင် စုသားများအဖြစ် ရောက်ရှိသွား မည်ဖြစ်၍ အခြေခံဥပဒေမူကြမ်းကို ကန့်ကွက်မဲပေးကြရန် ရှမ်း တိုင်းရင်းသား နိုင်ငံရေးသမားကြီး ဦးရွှေအုံးက ရှမ်းပြည်သူလူထု သို့ ပန်ကြားလိုက်သည်။

ယနေ့နေ့စွဲဖြင့် ထုတ်ပြန်သည့် ဦးရွှေအုံး၏ ရှမ်းပြည်နယ်လူထုသို့ ပန်ကြားလွှာ၌ ရှမ်းပြည်၏ ကံကြမ္မာသည် ဆိုးပြီးရင်း ဆိုးလာပြီး တန်းတူညီမျှမှုနှင့် ကိုယ်ပိုင်ပြဋ္ဌာန်းခွင့်တို့ကို အာမခံချက် ပေးထား သည့် ပင်လုံသဘောတူညီချက်များနှင့် ဝေးသည်ထက် ဝေးကွာလာသည် ဟု ဖော်ပြထားသည်။

နအဖ၏ ဖွဲ့စည်းပုံအခြေခံ မူကြမ်းအရ ရှမ်းပြည်နယ် တခုလုံးသည် နိုင်ငံရေးအရ အဆင့်အတန်း နိမ့်ကျသွားရုံသာမက နေရာတကာ စစ်တပ်၏ လက်ဝါးကြီးအုပ်ခြင်းကို ခံရမည်ဖြစ်ကြောင်း၊ လွှတ်တော်တွင် စစ်တပ်က (၂၅) ရာခိုင်နှုန်း အပိုင်စီးထားပြီး သမ္မတမှစ၍ အဆင့်မြင့် ရာထူးများ အားလုံး ယူထားကာ တပ်မတော်သည် တမိုးလုံး ဖျောက်ဆိပ် ဖြစ်လာမည်ဖြစ်ကြောင်း နအဖ၏ အခြေခံဥပဒေကို ဝေဖန် ထောက်ပြထားသည်။

ဦးရွှေအုံးက “မေလ (၁၀) ရက်နေ့ ပြည်လုံးကျွတ် ဆန္ဒခံယူပွဲသည် ကျွန်ုပ်တို့အတွက် နောက်ဆုံး ထွက်ပေါက်ဖြစ်သည်။ ထိုထွက်ပေါက်မှ နောက်ဆုံး မထွက်နိုင်ကြလျှင် ကျွန်ုပ်တို့ကံကြမ္မာသည် ပြန်လမ်း ရှိတော့မည်မဟုတ်၊ ထို့ကြောင့် ဆန္ဒမဲပေးခြင်းကို မိမိနှင့် မဆိုင်သလို လျစ်လျူမရှုပါနှင့်။ သေရေး ရှင်ရေးတမျှ အရေးကြီးသည်ကို သဘောပေါက်ကြပါ။ မဲရုံကို သပိတ်မှောက်ကြခြင်းသည် ထိရောက်မှု မရှိနိုင်။ ထွက်ပေါက်အတွက် ရရှိထားပါလျက် သော့ကို မသုံးတတ်သူ ဖြစ်သွားပါလိမ့် မည်။ မဲရုံသို့ သွားကြပါ။ ကန့်ကွက်မဲ ဆက်ဆက်ပေးခြင်းဖြင့် မိမိတို့၏ အသက်ကို မိမိကိုယ်တိုင် ကယ်ကြပါ ” ဟု ပန်ကြားလွှာတွင် ပြောကြားထားသည်။

ထို့အပြင် ရှမ်းပြည်နယ်အတွင်းရှိ ၀ ၊ ပအိုဝ့်၊ ပလောင်၊ ကိုးကန့်၊ ဓနု စသောလူမျိုးစုများကို အခြေခံဥပဒေတွင် ကိုယ်ပိုင်အုပ်ချုပ်ခွင့်ရ ဒေသတိုင်းများအဖြစ် ခွဲခြားသတ်မှတ် ပေးထား သော်လည်း ယင်းဒေသများတွင် စစ်တပ် ကိုယ်စားလှယ်များ ၀င်ရောက်ခြယ်လှယ် လာကြဦး မည်ဖြစ်သဖြင့် အထပ်ထပ် စဉ်းစားဝေဖန်၍ မိမိတုိ့၏ ကံကြမ္မာသည် ကျန်ရှမ်းပြည်သားများ နှင့်အတူ တထပ်တည်း ဖြစ်သည်ဟု ခံယူကြရန်လည်း ၎င်းက မေတ္တာရပ်ခံထားသည်။

ဦးရွှေအုံးသည် ရှမ်းပြည်တိုင်းရင်းသား လူမျိုးစုများ ဒီမိုကရေစီအဖွဲ့ချုပ်၏ ဥက္ကဋ္ဌဟောင်းနှင့် ပြည်ထောင်စု တိုင်းရင်းသားလူမျိုးများ ဒီမိုကရေစီအဖွဲ့ချုပ်၏ သဘာပတိအဖွဲ့ဝင်ဟောင်းတဦး ဖြစ်ပြီး ၎င်း၏ နိုင်ငံရေး ခံယူချက်နှင့် သဘောထားများကို အခါအားလျော်စွာ လူသိရှင်ကြား ထုတ်ပြန် ကြေညာလေ့ရှိသူဖြစ်သည်။ ။